کون تھا وہ خواب کے ملبوس میں لپٹا ہوا

کون تھا وہ خواب کے ملبوس میں لپٹا ہوا

رات کے گنبد سے ٹکرا کر پلٹ آئی صدا

میں تو تھا بکھرا ہوا ساحل کی پیلی ریت پر

اور دریا میں تھا نیلا آسماں ڈوبا ہوا

سوچ کی سوکھی ہوئی شاخوں سے مرجھائے ہوئے

ٹوٹ کر گرتے ہوئے لفظوں کو میں چنتا رہا

جب بھی خود کی کھوج میں نکلا ہوں اپنے جسم سے

کالی تنہائی کے جنگل سے گزرنا ہی پڑا

پھیلتا جاتا ہے ٹھنڈی چاندنی کے ساتھ ساتھ

شعلہ شعلہ لذتوں کی تشنگی کا دائرہ

kaun tha wo khwab ke malbus mein lipta hua

rat ke gumbad se takra kar palat ai sada

main to tha bikhra hua sahil ki pili ret par

aur dariya mein tha nila asman duba hua

soch ki sukhi hui shakhon se murjhae hue

tut kar girte hue lafzon ko main chunta raha

jab bhi khud ki khoj mein nikla hun apne jism se

kali tanhai ke jangal se guzarna hi para

phailta jata hai thandi chandni ke sath sath

shola shola lazzaton ki tishnagi ka daira