ہاتھ میں آفتاب پگھلا کر

ہاتھ میں آفتاب پگھلا کر

رات بھر روشنی سے کھیلا کر

یوں کھلے سر نہ گھر سے نکلا کر

دیکھ بوڑھوں کی بات مانا کر

آئنہ آئینے میں کیا دیکھے

ٹوٹ جاتے ہیں خواب ٹکرا کر

ایک دم یوں اچھل نہیں پڑتے

بات کے پینترے بھی سمجھا کر

دیکھ ٹھوکر بنے نہ تاریکی

کوئی سویا ہے پاؤں پھیلا کر

اونٹ جانے کدھر نکل بھاگا

جلتے صحرا میں ہم کو ٹھہرا کر

hath mein aftab pighla kar

rat bhar raushni se khela kar

yun khule sar na ghar se nikla kar

dekh burhon ki bat mana kar

aina aine mein kya dekhe

tut jate hain khwab takra kar

ek dam yun uchhal nahin parte

bat ke paintre bhi samjha kar

dekh thokar bane na tariki

koi soya hai paon phaila kar

unt jane kidhar nikal bhaga

jalte sahra mein ham ko thahra kar