ہوا ختم دریا تو صحرا لگا

ہوا ختم دریا تو صحرا لگا

سفر کا تسلسل کہاں جا لگا

عجب رات بستی کا نقشہ لگا

ہر اک نقش اندر سے ٹوٹا لگا

تمہارا ہزاروں سے رشتہ لگا

کہو سائیں کا کام کیسا لگا

ابھی کھنچ ہی جاتی لہو کی دھنک

میاں تیر ٹک تیرا ترچھا لگا

لہو میں اترتی رہی چاندنی

بدن رات کا کتنا ٹھنڈا لگا

تعجب کے سوراخ سے دیکھتے

اندھیرے میں کیسے نشانہ لگا

hawa khatm dariya to sahra laga

safar ka tasalsul kahan ja laga

ajab rat basti ka naqsha laga

har ik naqsh andar se tuta laga

tumhara hazaron se rishta laga

kaho saen ka kam kaisa laga

abhi khinch hi jati lahu ki dhanak

miyan tir tuk tera tirchha laga

lahu mein utarti rahi chandni

badan rat ka kitna thanda laga

taajjub ke surakh se dekhte

andhere mein kaise nishana laga