جلنے لگے خلا میں ہواؤں کے نقش پا

جلنے لگے خلا میں ہواؤں کے نقش پا

سورج کا ہاتھ شام کی گردن پہ جا پڑا

چھت پر پگھل کے جم گئی خوابوں کی چاندنی

کمرے کا درد ہانپتے سایوں کو کھا گیا

بستر میں ایک چاند تراشا تھا لمس نے

اس نے اٹھا کے چائے کے کپ میں ڈبو دیا

ہر آنکھ میں تھی ٹوٹتے لمحوں کی تشنگی

ہر جسم پہ تھا وقت کا سایہ پڑا ہوا

دیکھا تھا سب نے ڈوبنے والے کو دور دور

پانی کی انگلیوں نے کنارے کو چھو لیا

آئے گی رات منہ پہ سیاہی ملے ہوئے

رکھ دے گا دن بھی ہاتھ میں کاغذ پھٹا ہوا

jalne lage khala mein hawaon ke naqsh-e-pa

suraj ka hath sham ki gardan pe ja para

chhat par pighal ke jam gai khwabon ki chandni

kamre ka dard hanpte sayon ko kha gaya

bistar mein ek chand tarasha tha lams ne

us ne utha ke chae ke kap mein dubo diya

har ankh mein thi tutte lamhon ki tishnagi

har jism pe tha waqt ka saya para hua

dekha tha sab ne dubne wale ko dur dur

pani ki ungliyon ne kinare ko chhu liya

aegi rat munh pe siyahi mile hue

rakh dega din bhi hath mein kaghaz phata hua