یہ پھیلتی شکستگی احساس کی طرف

یہ پھیلتی شکستگی احساس کی طرف

دریا رواں دواں ہیں مری پیاس کی طرف

اس کا بدن جھکا ہوا پتھر کی بنچ پر

اپنے قدم بھی مڑتے ہوئے گھاس کی طرف

دکھلا رہی ہے دھوپ بشاشت کا آئنہ

اور چھاؤں کھینچتی ہے مجھے یاس کی طرف

اشیا کی لذتوں میں اٹکتا ہوا بدن

اور روح کا کھنچاؤ ہے بن باس کی طرف

سب یہ سمجھ رہے تھے کہ نروان مل گیا

چکرا رہی ہے چیل مگر ماس کی طرف

ye phailti shikastagi ehsas ki taraf

dariya rawan dawan hain miri pyas ki taraf

us ka badan jhuka hua patthar ki binch par

apne qadam bhi murte hue ghas ki taraf

dikhla rahi hai dhup bashashat ka aina

aur chhaon khinchti hai mujhe yas ki taraf

ashiya ki lazzaton mein atakta hua badan

aur ruh ka khanchao hai ban bas ki taraf

sab ye samajh rahe the ke nirwan mil gaya

chakra rahi hai chil magar mas ki taraf