بجلی گری تو سوچ کے سب تار کٹ گئے

بجلی گری تو سوچ کے سب تار کٹ گئے

یک لخت روشنی سے اندھیرے لپٹ گئے

صحرا نوردیوں میں تو محفوظ تھے مگر

شہروں کے آس پاس ہی خیمے الٹ گئے

ملنے کو چند روز ملے تھے سکون کے

دن اپنی عمر کے تو بہرحال گھٹ گئے

سائے کہ پھیلتے ہی چلے تھے زمین پر

سورج نے جوں ہی آنکھ دکھائی سمٹ گئے

انجام کار خود ہی شکاری تھے جال میں

اعجازؔ اہل جور کے پانسے پلٹ گئے

bijli giri to soch ke sab tar kat gae

yak lakht-e-raushni se andhere lipat gae

sahra nawardiyon mein to mahfuz the magar

shahron ke as pas hi kheme ulat gae

milne ko chand roz mile the sukun ke

din apni umr ke to bahrhal ghut gae

sae ke phailte hi chale the zamin par

suraj ne jun hi ankh dikhai simat gae

anjam kar khud hi shikari the jal mein

ejaz ahl-e-jaur ke panse palat gae