وہ برسات کی شب وہ پچھلا پہر

وہ برسات کی شب وہ پچھلا پہر

اندھیرے کے پہلو میں سنسان گھر

کھلیں گے ابھی اور کس کس کے در

کہاں ختم ہوگا لہو کا سفر

کچھ اپنے عقائد بھی کمزور تھے

لرزتے تھے سائے بھی دیوار پر

اجالے سمٹتے رہے آنکھ میں

ستارے بکھرتے رہے فرش پر

بدن میں پگھلتی رہی چاندنی

لہو میں سلگتی رہی دوپہر

کبھی خاک والوں کی باتیں بھی سن

کبھی آسمانوں سے نیچے اتر

قدم گھر میں رکھتے ہی گھائل ہوا

گرے ٹوٹ کر مجھ پہ دیوار و در

wo barsat ki shab wo pichhla pahar

andhere ke pahlu mein sunsan ghar

khulenge abhi aur kis kis ke dar

kahan khatm hoga lahu ka safar

kuchh apne aqaid bhi kamzor the

larazte the sae bhi diwar par

ujale simatte rahe ankh mein

sitare bikharte rahe farsh par

badan mein pighalti rahi chandni

lahu mein sulagti rahi dopahar

kabhi khak walon ki baten bhi sun

kabhi asmanon se niche utar

qadam ghar mein rakhte hi ghayal hua

gire tut kar mujh pe diwar-o-dar