حج کا سفر ہے اس میں کوئی ساتھ بھی تو ہو

حج کا سفر ہے اس میں کوئی ساتھ بھی تو ہو

پردہ نشیں سے اپنی ملاقات بھی تو ہو

کب سے ٹہل رہے ہیں گریبان کھول کر

خالی گھٹا کو کیا کریں برسات بھی تو ہو

دن ہے کہ ڈھل نہیں رہا اس ریگ زار میں

منزل بھلے نہ آئے کہیں رات بھی تو ہو

مجموعہ چھاپنے تو چلے ہو میاں مگر

اشعار میں تمہارے کوئی بات بھی تو ہو

haj ka safar hai is mein koi sath bhi to ho

parda nashin se apni mulaqat bhi to ho

kab se tahal rahe hain gareban khol kar

khali ghata ko kya karen barsat bhi to ho

din hai ke dhal nahin raha is reg zar mein

manzil bhale na ae kahin rat bhi to ho

majmua chhapne to chale ho miyan magar

ashar mein tumhare koi bat bhi to ho