سڑکوں پر سورج اترا

سڑکوں پر سورج اترا

سایہ سایہ ٹوٹ گیا

جب گل کا سینہ چیرا

خوشبو کا کانٹا نکلا

تو کس کے کمرے میں تھی

میں تیرے کمرے میں تھا

کھڑکی نے آنکھیں کھولی

دروازے کا دل دھڑکا

دل کی اندھی خندق میں

خواہش کا تارا ٹوٹا

جسم کے کالے جنگل میں

لذت کا چیتا لپکا

پھر بالوں میں رات ہوئی

پھر ہاتھوں میں چاند کھلا

sarkon par suraj utra

saya saya tut gaya

jab gul ka sina chira

khushbu ka kanta nikla

to kis ke kamre mein thi

main tere kamre mein tha

khirki ne ankhen kholi

darwaze ka dil dharka

dil ki andhi khandaq mein

khwahish ka tara tuta

jism ke kale jangal mein

lazzat ka chita lapka

phir balon mein rat hui

phir hathon mein chand khula