آدھوں کی طرف سے کبھی پونوں کی طرف سے

آدھوں کی طرف سے کبھی پونوں کی طرف سے

آوازے کسے جاتے ہیں بونوں کی طرف سے

حیرت سے سبھی خاک زدہ دیکھ رہے ہیں

ہر روز زمیں گھٹتی ہے کونوں کی طرف سے

آنکھوں میں لیے پھرتے ہیں اس در بدری میں

کچھ ٹوٹے ہوئے خواب کھلونوں کی طرف سے

پھر کوئی عصا دے کہ وہ پھنکارتے نکلے

پھر اژدہے فرعون کے ٹونوں کی طرف سے

تو وہم و گماں سے بھی پرے دیتا ہے سب کو

ہو جاتا ہے پل بھر میں نہ ہونوں کی طرف سے

باتوں کا کوئی سلسلہ جاری ہو کسی طور

خاموشی ہی خاموشی ہے دونوں کی طرف سے

پھر بعد میں دروازہ دکھا دیتے ہیں عادلؔ

پہلے وہ اٹھاتے ہیں بچھونوں کی طرف سے

adhon ki taraf se kabhi paunon ki taraf se

awaze kise jate hain bonon ki taraf se

hairat se sabhi khak zada dekh rahe hain

har roz zamin ghatti hai kaunon ki taraf se

ankhon mein liye phirte hain us dar badri mein

kuchh tute hue khwab khilaunon ki taraf se

phir koi asa de ke wo phunkarte nikle

phir azhdahe firaun ke tonon ki taraf se

tu wahm-o-guman se bhi pare deta hai sab ko

ho jata hai pal bhar mein na honon ki taraf se

baton ka koi silsila jari ho kisi taur

khamoshi hi khamoshi hai donon ki taraf se

phir baad mein darwaza dikha dete hain adil

pahle wo uthate hain bichhaunon ki taraf se