ہر خواب کالی رات کے سانچے میں ڈھال کر

ہر خواب کالی رات کے سانچے میں ڈھال کر

یہ کون چھپ گیا ہے ستارے اچھال کر

ایسے ڈرے ہوئے ہیں زمانے کی چال سے

گھر میں بھی پاؤں رکھتے ہیں ہم تو سنبھال کر

خانہ خرابیوں میں ترا بھی پتہ نہیں

تجھ کو بھی کیا ملا ہمیں گھر سے نکال کر

جھلسا گیا ہے کاغذی چہروں کی داستاں

جلتی ہوئی خموشیاں لفظوں میں ڈھال کر

یہ پھول خود ہی سوکھ کر آئیں گے خاک پر

تو اپنے ہاتھ سے نہ انہیں پائمال کر

har khwab kali rat ke sanche mein dhal kar

ye kaun chhup gaya hai sitare uchhal kar

aise dare hue hain zamane ki chal se

ghar mein bhi paon rakhte hain ham to sambhal kar

khana kharabiyon mein tira bhi pata nahin

tujh ko bhi kya mila hamen ghar se nikal kar

jhulsa gaya hai kaghzi chehron ki dastan

jalti hui khamoshiyan lafzon mein dhal kar

ye phul khud hi sukh kar aenge khak par

tu apne hath se na unhen paimal kar