گانٹھی ہے اس نے دوستی اک پیش امام سے

گانٹھی ہے اس نے دوستی اک پیش امام سے

عادلؔ اٹھا لو ہاتھ دعا و سلام سے

پانی نے راستہ نہ دیا جان بوجھ کر

غوطے لگائے پھر بھی رہے تشنہ کام سے

میں اس گلی سے سر کو جھکائے گزر گیا

چلغوزے پھینکتی رہی وہ مجھ پہ بام سے

وہ کون تھا جو دن کے اجالے میں کھو گیا

یہ چاند کس کو ڈھونڈنے نکلا ہے شام سے

کونے میں بادشاہ پڑا اونگھتا رہا

ٹیبل پہ رات کٹ گئی بیگم غلام سے

نشہ سا ڈولتا ہے ترے انگ انگ پر

جیسے ابھی بھگو کے نکالا ہو جام سے

ganthi hai us ne dosti ik pesh-e-imam se

adil utha lo hath dua-o-salam se

pani ne rasta na diya jan bojh kar

ghaute lagae phir bhi rahe tishna kam se

main us gali se sar ko jhukae guzar gaya

chilghoze phenkti rahi wo mujh pe bam se

wo kaun tha jo din ke ujale mein kho gaya

ye chand kis ko dhundne nikla hai sham se

kone mein badshah para unghta raha

tebal pe rat kat gai begam ghulam se

nasha sa dolta hai tire ang ang par

jaise abhi bhigo ke nikala ho jam se