پھیلے ہوئے ہیں شہر میں سائے نڈھال سے
Adil Mansuri (1936–2008)پھیلے ہوئے ہیں شہر میں سائے نڈھال سے
جائیں کہاں نکل کے خیالوں کے جال سے
مشرق سے میرا راستہ مغرب کی سمت تھا
اس کا سفر جنوب کی جانب شمال سے
کیسا بھی تلخ ذکر ہو کیسی بھی ترش بات
ان کی سمجھ میں آئے گی گل کی مثال سے
چپ چاپ بیٹھے رہتے ہیں کچھ بولتے نہیں
بچے بگڑ گئے ہیں بہت دیکھ بھال سے
رنگوں کو بہتے دیکھیے کمرے کے فرش پر
کرنوں کے وار روکئے شیشے کی ڈھال سے
آنکھوں میں آنسوؤں کا کہیں نام تک نہیں
اب جوتے صاف کیجئے ان کے رومال سے
چہرہ بجھا بجھا سا پریشان زلف زلف
اللہ دشمنوں کو بچائے وبال سے
پھر پانیوں میں نقرئی سائے اتر گئے
پھر رات جگمگا اٹھی چاندی کے تھال سے
phaile hue hain shahr mein sae nidhal se
jaen kahan nikal ke khayalon ke jal se
mashriq se mera rasta maghrib ki samt tha
us ka safar junub ki janib shumal se
kaisa bhi talkh zikr ho kaisi bhi tursh bat
un ki samajh mein aegi gul ki misal se
chup chap baithe rahte hain kuchh bolte nahin
bachche bigar gae hain bahut dekh bhal se
rangon ko bahte dekhiye kamre ke farsh par
kirnon ke war rokiye shishe ki dhal se
ankhon mein ansuon ka kahin nam tak nahin
ab jote saf kijiye un ke rumal se
chehra bujha bujha sa pareshan zulf zulf
allah dushmanon ko bachae wabal se
phir paniyon mein nuqrai sae utar gae
phir rat jagmaga uthi chandi ke thal se