اب ٹوٹنے ہی والا ہے تنہائی کا حصار

اب ٹوٹنے ہی والا ہے تنہائی کا حصار

اک شخص چیختا ہے سمندر کے آر پار

آنکھوں سے راہ نکلی ہے تحت الشعور تک

رگ رگ میں رینگتا ہے سلگتا ہوا خمار

گرتے رہے نجوم اندھیرے کی زلف سے

شب بھر رہیں خموشیاں سایوں سے ہمکنار

دیوار و در پہ خوشبو کے ہالے بکھر گئے

تنہائی کے فرشتوں نے چومی قبائے یار

کب تک پڑے رہو گے ہواؤں کے ہاتھ میں

کب تک چلے گا کھوکھلے شبدوں کا کاروبار

ab tutne hi wala hai tanhai ka hisar

ik shakhs chikhta hai samundar ke ar par

ankhon se rah nikli hai taht alshuur tak

rag rag mein rengta hai sulagta hua khumar

girte rahe nujum andhere ki zulf se

shab bhar rahen khamoshiyan sayon se hamkanar

diwar-o-dar pe khushbu ke hale bikhar gae

tanhai ke farishton ne chumi qaba-e-yar

kab tak pare rahoge hawaon ke hath mein

kab tak chalega khokhle shabdon ka karobar