ہونے کو یوں تو شہر میں اپنا مکان تھا

ہونے کو یوں تو شہر میں اپنا مکان تھا

نفرت کا ریگزار مگر درمیان تھا

لمحے کے ٹوٹنے کی صدا سن رہا تھا میں

جھپکی جو آنکھ سر پہ نیا آسمان تھا

کہنے کو ہاتھ باندھے کھڑے تھے نماز میں

پوچھو تو دوسری ہی طرف اپنا دھیان تھا

اللہ جانے کس پہ اکڑتا تھا رات دن

کچھ بھی نہیں تھا پھر بھی بڑا بد زبان تھا

شعلے اگلتے تیر برستے تھے چرخ سے

سایہ تھا پاس میں نہ کوئی سائبان تھا

سب سے کیا ہے وصل کا وعدہ الگ الگ

کل رات وہ سبھی پہ بہت مہربان تھا

منہ پھٹ تھا بے لگام تھا رسوا تھا ڈھیٹ تھا

جیسا بھی تھا وہ دوستو محفل کی جان تھا

hone ko yun to shahr mein apna makan tha

nafrat ka regzar magar darmiyan tha

lamhe ke tutne ki sada sun raha tha main

jhapki jo ankh sar pe naya asman tha

kahne ko hath bandhe khare the namaz mein

puchho to dusri hi taraf apna dhyan tha

allah jane kis pe akarta tha rat din

kuchh bhi nahin tha phir bhi bara bad zaban tha

shole ugalte tir baraste the charkh se

saya tha pas mein na koi saiban tha

sab se kya hai wasl ka waada alag alag

kal rat wo sabhi pe bahut mehrban tha

munh phat tha be lagam tha ruswa tha dhit tha

jaisa bhi tha wo dosto mahfil ki jan tha