جور بے جا کو جو کہتے ہو بجا ہے وہ بھی

جور بے جا کو جو کہتے ہو بجا ہے وہ بھی

دست قاتل پہ لہو ہے کہ حنا ہے وہ بھی

لوگ خوش ہیں اسے دے دے کے عبادت کا فریب

وہ مگر خوب سمجھتا ہے خدا ہے وہ بھی

آج بس آج ہے کیا ذکر گذشتہ کل کا

لاکھ سونا سہی مٹی میں دبا ہے وہ بھی

تم جسے جبر و ستم قہر و غضب کہتے ہو

اپنے اعمال کی دراصل سزا ہے وہ بھی

چارہ گر بھول گئے ہوں تو بتا دو اعجازؔ

زہر کہتے ہیں جسے ایک دوا ہے وہ بھی

jaur-e-be ja ko jo kahte ho baja hai wo bhi

dast-e-qatil pe lahu hai ke hina hai wo bhi

log khush hain use de de ke ibadat ka fareb

wo magar khub samajhta hai khuda hai wo bhi

aj bas aj hai kya zikr guzishta kal ka

lakh sona sahi mitti mein daba hai wo bhi

tum jise jabr-o-sitam qahr-o-ghazab kahte ho

apne aamal ki darasl saza hai wo bhi

chara gar bhul gae hun to bata do ejaz

zahr kahte hain jise ek dawa hai wo bhi