بدن پر نئی فصل آنے لگی

بدن پر نئی فصل آنے لگی

ہوا دل میں خواہش جگانے لگی

کوئی خودکشی کی طرف چل دیا

اداسی کی محنت ٹھکانے لگی

جو چپ چاپ رہتی تھی دیوار پر

وہ تصویر باتیں بنانے لگی

خیالوں کے تاریک کھنڈرات میں

خموشی غزل گنگنانے لگی

ذرا دیر بیٹھے تھے تنہائی میں

تری یاد آنکھیں دکھانے لگی

badan par nai fasl ane lagi

hawa dil mein khwahish jagane lagi

koi khudkushi ki taraf chal diya

udasi ki mehnat thikane lagi

jo chup chap rahti thi diwar par

wo taswir baten banane lagi

khayalon ke tarik khandarat mein

khamoshi ghazal gungunane lagi

zara der baithe the tanhai mein

tiri yad ankhen dikhane lagi