رسوائی کے خیال سے ڈر تو نہیں گئے

رسوائی کے خیال سے ڈر تو نہیں گئے

وہ راستہ بدل کے گزر تو نہیں گئے

ترک تعلقات سے تم کو بھی کیا ملا

ہم بھی غم فراق سے مر تو نہیں گئے

ہم پہ ترس نہ کھا ہمیں لاچار دیکھ کر

ہم ٹوٹ بھر گئے ہیں بکھر تو نہیں گئے

دریا کے پار اتر کے جلائی ہیں کشتیاں

ناکام لوٹ کے کبھی گھر تو نہیں گئے

دور خزاں میں سبزہ و شبنم کہاں ظفرؔ

پلکوں پہ آ کے اشک ٹھہر تو نہیں گئے

ruswai ke khayal se dar to nahin gae

wo rasta badal ke guzar to nahin gae

tark-e-taalluqat se tum ko bhi kya mila

ham bhi gham-e-firaq se mar to nahin gae

ham pe taras na kha hamen lachar dekh kar

ham tut bhar gae hain bikhar to nahin gae

dariya ke par utar ke jalai hain kashtiyan

nakam laut ke kabhi ghar to nahin gae

daur-e-khizan mein sabza-o-shabnam kahan zafar

palkon pe a ke ashk thahar to nahin gae