روح شاداب دل غنی کر لو

روح شاداب دل غنی کر لو

ہم فقیروں سے دوستی کر لو

چشم بینا نہیں تو سب کچھ گم

چاہے کتنی ہی روشنی کر لو

ایک چولہا الگ ہوا گھر میں

ایک دیوار بھی کھڑی کر لو

قیمتیں کم کبھی نہیں ہوں گی

اپنی فہرست میں کمی کر لو

وقت ہے آج مہرباں تم پر

اور کچھ دن سکندری کر لو

دشمنوں کی دعا درازیٔ عمر

دوست کہتے ہیں خودکشی کر لو

آج کا کام کل پہ مت چھوڑو

آج بھی دیر کیوں ابھی کر لو

ruh shadab dil ghani kar lo

ham faqiron se dosti kar lo

chashm-e-bina nahin to sab kuchh gum

chahe kitni hi raushni kar lo

ek chulha alag hua ghar mein

ek diwar bhi khari kar lo

qimaten kam kabhi nahin hongi

apni fehrist mein kami kar lo

waqt hai aj mehrban tum par

aur kuchh din sikandari kar lo

dushmanon ki dua darazi-e-umr

dost kahte hain khudkushi kar lo

aj ka kam kal pe mat chhoro

aj bhi der kyun abhi kar lo