عشق میں برباد ہونے پر پشیمانی تو ہے

عشق میں برباد ہونے پر پشیمانی تو ہے

پھر بھی میری قدر و قیمت اس نے پہچانی تو ہے

سانس لینا بھی جہاں مشکل ہے اس ماحول میں

مجھ کو زندہ دیکھ کر لوگوں کو حیرانی تو ہے

غم گساری میری عادت بن گئی ہے کیا کروں

دوسروں کا غم اٹھانے میں پریشانی تو ہے

ہاتھ ان سے بھی ملانے کے لیے تیار ہوں

دشمنوں سے دوستی کی بات نادانی تو ہے

کون سی ایسی دعا ہے جو نہ ہوگی اب قبول

آنکھ سے آنسو رواں سجدے میں پیشانی تو ہے

شوق ہے پر پیچ راہوں سے گزرنے کا ظفرؔ

ورنہ سیدھا راستہ چلنے میں آسانی تو ہے

ishq mein barbad hone par pashemani to hai

phir bhi meri qadar-o-qimat us ne pahchani to hai

sans lena bhi jahan mushkil hai is mahaul mein

mujh ko zinda dekh kar logon ko hairani to hai

gham gusari meri adat ban gai hai kya karun

dusron ka gham uthane mein pareshani to hai

hath un se bhi milane ke liye tayyar hun

dushmanon se dosti ki bat nadani to hai

kaun si aisi dua hai jo na hogi ab qubul

ankh se ansu rawan sajde mein peshani to hai

shauq hai pur pech rahon se guzarne ka zafar

warna sidha rasta chalne mein asani to hai