آ گئی پھر ان کو میری یاد کیا

آ گئی پھر ان کو میری یاد کیا

کر لیا تازہ ستم ایجاد کیا

کم ستم تھی یورش بغداد کیا

اب نشانہ ہے مرے جلاد کیا

دوستوں میں آج کیسے آ گئے

ہل گئی تنہائی کی بنیاد کیا

صدیوں پہلے کے وہی میں اور تم

ورنہ شیریں کون ہے فرہاد کیا

میری تخلیقات کیا دیں گی مجھے

کام آتی ہے کبھی اولاد کیا

میں تو ہوں مہر و محبت کا امیں

مسئلہ یہ ہے کہ میرے بعد کیا

a gai phir un ko meri yad kya

kar liya taza sitam ijad kya

kam sitam thi yurish-e-baghdad kya

ab nishana hai mire jallad kya

doston mein aj kaise a gae

hal gai tanhai ki buniyad kya

sadiyon pahle ke wahi main aur tum

warna shirin kaun hai farhad kya

meri takhliqat kya dengi mujhe

kam ati hai kabhi aulad kya

main to hun mehr-o-mohabbat ka amin

masala ye hai ke mere baad kya