اس نے کچھ مجھ سے کہا تھا شاید

اس نے کچھ مجھ سے کہا تھا شاید

یا مجھے وہم ہوا تھا شاید

چار سو رقص کناں تھی خوشبو

پھول پتوں میں چھپا تھا شاید

یوں ہی آنچل نہیں لہرایا تھا

کچھ ہواؤں پہ لکھا تھا شاید

دیدۂ تر نے بھی مایوس کیا

نقش پانی پہ بنا تھا شاید

سانس کیوں رکنے لگی تھی میری

رابطہ ٹوٹ گیا تھا شاید

میں نے ہی ظلم کیا تھا خود پر

وہ ہی سچ بول رہا تھا شاید

نا مرادی کی شکایت کیسی

یہی قسمت کا لکھا تھا شاید

us ne kuchh mujh se kaha tha shayad

ya mujhe wahm hua tha shayad

char su raqs kunan thi khushbu

phul patton mein chhupa tha shayad

yun hi anchal nahin lahraya tha

kuchh hawaon pe likha tha shayad

dida-e-tar ne bhi mayus kiya

naqsh pani pe bana tha shayad

sans kyun rukne lagi thi meri

rabta tut gaya tha shayad

main ne hi zulm kiya tha khud par

wo hi sach bol raha tha shayad

na muradi ki shikayat kaisi

yahi qismat ka likha tha shayad