ہائے کیا پر فریب سازش ہے

ہائے کیا پر فریب سازش ہے

شہر کا شہر نذر آتش ہے

جام جمشید زیر گردش ہے

دیکھتے جائیے نمائش ہے

عام ظلم و ستم کا چرچا کیوں

خاص لطف و کرم کی بارش ہے

پوچھتی ہے زبان خنجر کی

کیا ابھی زندگی کی خواہش ہے

خوف و دہشت کے سونے جنگل میں

صبر و ہمت کی آزمائش ہے

عقل کے دشمنوں کو کیا کہیے

علم کے مخزنوں پہ بندش ہے

کیا ابھی سانس لے رہے ہو ظفرؔ

جی حضور آپ کی نوازش ہے

hae kya pur fareb sazish hai

shahr ka shahr nazr-e-atish hai

jam-e-jamshed zer-e-gardish hai

dekhte jaiye numaish hai

am zulm-o-sitam ka charcha kyun

khas lutf-o-karam ki barish hai

puchhti hai zaban-e-khanjar ki

kya abhi zindagi ki khwahish hai

khauf-o-dahshat ke sone jangal mein

sabr-o-himmat ki azmaish hai

aql ke dushmanon ko kya kahiye

ilm ke makhzanon pe bandish hai

kya abhi sans le rahe ho zafar

ji huzur ap ki nawazish hai