نہ چھیڑ نام و نسب اور نسل و رنگ کی بات

نہ چھیڑ نام و نسب اور نسل و رنگ کی بات

کہ چل نکلتی ہے اکثر یہیں سے جنگ کی بات

تمہارے شہر میں کس کس کو آئنہ دکھلائیں

ہزار طرح کے چہرے ہزار رنگ کی بات

ہر ایک بات پہ طعنہ ہر ایک بات پہ طنز

کبھی تو یار کیا کر کسی سے ڈھنگ کی بات

میں اس کے وعدۂ فردا پہ کیا یقیں کرتا

ہنسی میں ٹال گیا ایک شوخ و شنگ کی بات

اٹھا ہے سنگ ملامت بہ نام شیشۂ دل

قرار پائی ہے شیشے کے ساتھ سنگ کی بات

عجیب حال ہے یاروں کی بے حسی کا ظفرؔ

سکوت مرگ کا عالم رباب و چنگ کی بات

na chher nam-o-nasab aur nasl-o-rang ki bat

ke chal nikalti hai aksar yahin se jang ki bat

tumhare shahr mein kis kis ko aina dikhlaen

hazar tarah ke chehre hazar rang ki bat

har ek bat pe taana har ek bat pe tanz

kabhi to yar kiya kar kisi se dhang ki bat

main us ke waada-e-farda pe kya yaqin karta

hansi mein tal gaya ek shokh-o-shang ki bat

utha hai sang-e-malamat ba nam shisha-e-dil

qarar pai hai shishe ke sath sang ki bat

ajib hal hai yaron ki be hissi ka zafar

sukut-e-marg ka alam rabab-o-chang ki bat