میں نئے عزم سفر سے نکلا

میں نئے عزم سفر سے نکلا

سر پہ سورج لئے گھر سے نکلا

سنگ دل شخص کے آنسو دیکھے

موم پتھر کے جگر سے نکلا

اس حویلی سے کہ اس گنبد سے

دیکھنا چاند کدھر سے نکلا

ایک تو خود ہی خبر تھی جاں سوز

پھر وہ مطلب جو خبر سے نکلا

آمنے سامنے تھے دیر و حرم

میں بہت بچ کے ادھر سے نکلا

دشمن و دوست کو پہچان لیا

بوند بھر خون تو سر سے نکلا

main nae azm-e-safar se nikla

sar pe suraj liye ghar se nikla

sang dil shakhs ke ansu dekhe

mom patthar ke jigar se nikla

is haweli se ke is gumbad se

dekhna chand kidhar se nikla

ek to khud hi khabar thi jan soz

phir wo matlab jo khabar se nikla

amanne samne the dair-o-haram

main bahut bach ke idhar se nikla

dushman-o-dost ko pahchan liya

bund bhar khun to sar se nikla