ہونٹوں میں سچ بات دبا لیتے ہیں لوگ

ہونٹوں میں سچ بات دبا لیتے ہیں لوگ

اپنے من کا پاپ چھپا لیتے ہیں لوگ

صدیوں سے ہم ویرانے میں رہتے ہیں

جانے کیسے شہر بسا لیتے ہیں لوگ

ہم تو اس کا من بھی جیت نہیں پائے

پتھر کے بھگوان جگا لیتے ہیں لوگ

آنکھیں نیچی کر کے اپنی راہ چلو

پلکوں سے الفاظ چرا لیتے ہیں لوگ

ایک ہمیں ہیں کانٹوں کو محتاج ظفرؔ

پھولوں سے گلدان سجا لیتے ہیں لوگ

honton mein sach bat daba lete hain log

apne man ka pap chhupa lete hain log

sadiyon se ham wirane mein rahte hain

jane kaise shahr basa lete hain log

ham to us ka man bhi jit nahin pae

patthar ke bhagwan jaga lete hain log

ankhen nichi kar ke apni rah chalo

palkon se alfaz chura lete hain log

ek hamen hain kanton ko mohtaj zafar

phulon se guldan saja lete hain log