میں تمہیں پھول کہوں تم مجھے خوشبو دینا

میں تمہیں پھول کہوں تم مجھے خوشبو دینا

میرے بازو میں ذرا پیار سے بازو دینا

آرزو چاند کی ہے ظرف سے بڑھ کر لیکن

تیری فیاضی کی توہین ہے جگنو دینا

ہر قدم مجھ کو چراغوں کی ضرورت ہوگی

آپ تو زاد سفر میں مجھے آنسو دینا

صبر تعمیر کی بنیاد ہے ربا میرے

مجھ کو بپھرے ہوئے جذبات پہ قابو دینا

اپنے اعمال کی توصیف میں مصروف ہے وہ

اہل انصاف ذرا اس کو ترازو دینا

main tumhen phul kahun tum mujhe khushbu dena

mere bazu mein zara pyar se bazu dena

arzu chand ki hai zarf se barh kar lekin

teri fayyazi ki tauhin hai jugnu dena

har qadam mujh ko charaghon ki zarurat hogi

ap to zad-e-safar mein mujhe ansu dena

sabr taamir ki buniyad hai ruba mere

mujh ko biphre hue jazbat pe qabu dena

apne aamal ki tausif mein masruf hai wo

ahl-e-insaf zara us ko tarazu dena