ہرے پتو سنہری دھوپ کی قربت میں خوش رہنا

ہرے پتو سنہری دھوپ کی قربت میں خوش رہنا

مگر ممکن نہیں ہے ایک سی حالت میں خوش رہنا

مگن رہتے ہیں یہ بوڑھے شجر اپنی کتھاؤں میں

انہیں آتا ہے اپنے ذہن کی جنت میں خوش رہنا

ہم انسانوں کو پھر جینے کا مقصد ہی نہیں ملتا

لکھا ہوتا جو اس نے سب کی ہی قسمت میں خوش رہنا

یہ آنسو چار دن کے ہیں یہ آنسو سوکھ جائیں گے

سکھا دیں گے تمہیں حالات ہر صورت میں خوش رہنا

میں اپنے زخم اکثر اس لئے بھی نوچ لیتا ہوں

کہیں شامل نہ ہو جائے مری عادت میں خوش رہنا

سکون دل گنوا بیٹھو گے تم فطرت سے لڑنے میں

جو چاہو عافیت اپنے قد و قامت میں خوش رہنا

پکارا عمر کو خوشیوں نے جب مصروف تھے بے حد

سمے سے سیکھ لیتے کاش ہم فرصت میں خوش رہنا

hare pato sunahri dhup ki qurbat mein khush rahna

magar mumkin nahin hai ek si halat mein khush rahna

magan rahte hain ye burhe shajar apni katthaon mein

unhen ata hai apne zehn ki jannat mein khush rahna

ham insanon ko phir jine ka maqsad hi nahin milta

likha hota jo us ne sab ki hi qismat mein khush rahna

ye ansu char din ke hain ye ansu sukh jaenge

sikha denge tumhen halat har surat mein khush rahna

main apne zakhm aksar is liye bhi noch leta hun

kahin shamil na ho jae miri adat mein khush rahna

sukun-e-dil ganwa baithoge tum fitrat se larne mein

jo chaho afiyat apne qad-o-qamat mein khush rahna

pukara umr ko khushiyon ne jab masruf the be had

samay se sikh lete kash ham fursat mein khush rahna