سبزہ سے سب دشت بھرے ہیں تال بھرے ہیں پانی سے

سبزہ سے سب دشت بھرے ہیں تال بھرے ہیں پانی سے

میرے اندر خالی پن ہے کس کی بے ایمانی سے

اب کے اپنی چھت بھی کھلی ہے دیواروں میں در ہیں بہت

بارش دھوپ ہوا جو چاہے آ جائے آسانی سے

سچائی ہمدردی یاری یوں ہم میں سے چلی گئی

جیسے خود کردار خفا ہو جائیں کسی کہانی سے

چہرے پر جو کچھ بھی لکھا ہے وہ سب ایک حقیقت ہے

آئینہ کیا دیکھ رہے ہو تم اتنی حیرانی سے

تقریریں دیتی ہیں دلاسے یا نفرت پھیلاتی ہیں

تو میں اور تاریخیں لیکن بنتی ہیں قربانی سے

خون کے رشتے خون میں ڈوبے ایک زمیں کے ٹکڑے پر

صدیوں کا اپنا پن بھولے ہم کتنی آسانی سے

sabza se sab dasht bhare hain tal bhare hain pani se

mere andar khali pan hai kis ki be imani se

ab ke apni chhat bhi khuli hai diwaron mein dar hain bahut

barish dhup hua jo chahe a jae asani se

sachchai hamdardi yari yun ham mein se chali gai

jaise khud kirdar khafa ho jaen kisi kahani se

chehre par jo kuchh bhi likha hai wo sab ek haqiqat hai

aina kya dekh rahe ho tum itni hairani se

taqriren deti hain dilase ya nafrat phailati hain

to main aur tarikhen lekin banti hain qurbani se

khun ke rishte khun mein dube ek zamin ke tukre par

sadiyon ka apna pan bhule ham kitni asani se