شب کے غم دن کے عذابوں سے الگ رکھتا ہوں

شب کے غم دن کے عذابوں سے الگ رکھتا ہوں

ساری تعبیروں کو خوابوں سے الگ رکھتا ہوں

جو پڑھا ہے اسے جینا ہی نہیں ہے ممکن

زندگی کو میں کتابوں سے الگ رکھتا ہوں

اس کی تقدیس پہ دھبہ نہیں لگنے دیتا

دامن دل کو حسابوں سے الگ رکھتا ہوں

یہ عمل ریت کو پانی نہیں بننے دیتا

پیاس کو اپنی سرابوں سے الگ رکھتا ہوں

اس کے در پر نہیں لکھتا میں حساب دنیا

دل کی مسجد کو خرابوں سے الگ رکھتا ہوں

shab ke gham din ke azabon se alag rakhta hun

sari taabiron ko khwabon se alag rakhta hun

jo parha hai use jina hi nahin hai mumkin

zindagi ko main kitabon se alag rakhta hun

us ki taqdis pe dhabba nahin lagne deta

daman-e-dil ko hisabon se alag rakhta hun

ye amal ret ko pani nahin banne deta

pyas ko apni sarabon se alag rakhta hun

us ke dar par nahin likhta main hisab-e-duniya

dil ki masjid ko kharabon se alag rakhta hun