اے ہم سفر یہ راہ بری کا گمان چھوڑ

اے ہم سفر یہ راہ بری کا گمان چھوڑ

کس نے کہا ہے تجھ سے قدم کے نشان چھوڑ

پھر دیکھ زندگی کے مزے تجربوں کے رنگ

باہر قدم نکال ذرا سائبان چھوڑ

اب دوستی نہیں نہ سہی دشمنی سہی

کوئی تو رابطے کی کڑی درمیان چھوڑ

اس کی وفائیں صرف ہواؤں کے ساتھ ہیں

یہ اعتماد دوستیٔ بادبان چھوڑ

تلوار کی زبان سمجھنے لگے ہیں لوگ

اب یہ مہاتماؤں کا طرز بیان چھوڑ

جو تیرے سر پرست تھے کب کے چلے گئے

فرقہ پرستی تو بھی یہ ہندوستان چھوڑ

باقی جو بچ رہے ہیں وہ سرکس کے شیر ہیں

مردہ ہوا یہ دشت شکاری مچان چھوڑ

ai ham safar ye rah buri ka guman chhor

kis ne kaha hai tujh se qadam ke nishan chhor

phir dekh zindagi ke maze tajribon ke rang

bahar qadam nikal zara saiban chhor

ab dosti nahin na sahi dushmani sahi

koi to rabte ki kari darmiyan chhor

us ki wafaen sirf hawaon ke sath hain

ye etimad dosti-e-badban chhor

talwar ki zaban samajhne lage hain log

ab ye mahatmaon ka tarz-e-bayan chhor

jo tere sar parast the kab ke chale gae

firqa parasti tu bhi ye hindostan chhor

baqi jo bach rahe hain wo sarkas ke sher hain

murda hua ye dasht-e-shikari machan chhor