سرد رتوں میں لوگوں کو گرمی پہنچانے والے ہاتھ

سرد رتوں میں لوگوں کو گرمی پہنچانے والے ہاتھ

برف کے جیسے ٹھنڈے کیوں ہیں اون بنانے والے ہاتھ

مٹی کے پیالوں میں ہر دن صبح سے اپنی شام کریں

رنگ برنگے پھولوں سے گلدان سجانے والے ہاتھ

ایسے تھے حالات کہ چھوٹا ان کا میرا ساتھ مگر

یاد بہت آتے ہیں وہ چوڑی کھنکانے والے ہاتھ

دفتر سے میں گھر لوٹوں تو پوچھے مجھ سے تنہائی

کب آئیں گے راتوں کی تقدیر جگانے والے ہاتھ

سورج چاند ستارے جگنو جو چاہو سو نذر کریں

نگری نگری آشاؤں کے دیپ جلانے والے ہاتھ

جرم نہیں ہے سچائی تو بے جا کیوں معتوب ہوئے

سچائی کا دنیا میں پرچم لہرانے والے ہاتھ

دریا میں طوفان ہے لیکن ہے اب بھی امید ظفرؔ

پار لگا دیں گے ہم کو پتوار چلانے والے ہاتھ

sard ruton mein logon ko garmi pahunchane wale hath

barf ke jaise thande kyun hain un banane wale hath

mitti ke pyalon mein har din subh se apni sham karen

rang barange phulon se guldan sajane wale hath

aise the halat ke chhota un ka mera sath magar

yad bahut ate hain wo chauri khankane wale hath

daftar se main ghar lautun to puchhe mujh se tanhai

kab aenge raton ki taqdir jagane wale hath

suraj chand sitare jugnu jo chaho so nazr karen

nagri nagri ashaon ke dip jalane wale hath

jurm nahin hai sachchai to be ja kyun maatub hue

sachchai ka duniya mein parcham lahrane wale hath

dariya mein tufan hai lekin hai ab bhi ummid zafar

par laga denge ham ko patwar chillane wale hath