دھندلاھٹوں میں گم تھے جو منظر چمک گئے

دھندلاھٹوں میں گم تھے جو منظر چمک گئے

میری نظر سے کتنے ہی پردے سرک گئے

اس سایۂ بدن میں ٹھہر جائیں اب تو ہم

بے نام منزلوں کے تجسس میں تھک گئے

یہ کس کے غم کی آنچ سے پگھلا ہے سنگ دل

آنکھوں سے میری آج پھر آنسو ٹپک گئے

خود کو تلاش کر کہ ہیں تجھ میں حقیقتیں

ان کی طرف نہ دیکھ جو سوئے فلک گئے

کانٹوں کی فصل ہے مری راہوں کا پیرہن

وہ راستے کدھر ہیں جو پھولوں سے ڈھک گئے

اجڑے بدن سنور نہ سکے یوں تو دوستو

باغوں میں رت جوان ہوئی پھل بھی پک گئے

dhundlahaton mein gum the jo manzar chamak gae

meri nazar se kitne hi parde sarak gae

is saya-e-badan mein thahar jaen ab to ham

be nam manzilon ke tajassus mein thak gae

ye kis ke gham ki anch se pighla hai sang dil

ankhon se meri aj phir ansu tapak gae

khud ko talash kar ke hain tujh mein haqiqaten

un ki taraf na dekh jo su-e-falak gae

kanton ki fasl hai miri rahon ka pairahan

wo raste kidhar hain jo phulon se dhak gae

ujre badan sanwar na sake yun to dosto

baghon mein rut jawan hui phal bhi pak gae