وہ جلوے جو حجاب ناز سے محفل میں آتے ہیں

وہ جلوے جو حجاب ناز سے محفل میں آتے ہیں

مرے دل سے نکلتے ہیں کہ میرے دل میں آتے ہیں

فنا پہلا ادب ہے شرط اول بزم جاناں میں

جو اپنے آپ سے گزریں وہ اس محفل میں آتے ہیں

کھلی آنکھوں سے عالم پر گمان عالم دل ہے

جب آنکھیں بند کرتا ہوں نظر وہ دل میں آتے ہیں

کوئی سادہ دلی شوق کو یہ بات سمجھا دے

پیام حسن ہوتے ہیں جو ارماں دل میں آتے ہیں

خودی کے جوہر آسانی میں انساں پر نہیں کھلتے

ہم اپنے سامنے کھل کر فقط مشکل میں آتے ہیں

ذہینؔ اللہ کو میں دیکھتا ہوں حسن جاناں میں

نظر خورشید کے جلوے مہ کامل میں آتے ہیں

wo jalwe jo hijab-e-naz se mahfil mein ate hain

mire dil se nikalte hain ke mere dil mein ate hain

fana pahla adab hai shart-e-awwal bazm-e-janan mein

jo apne ap se guzren wo is mahfil mein ate hain

khuli ankhon se alam par guman-e-alam-e-dil hai

jab ankhen band karta hun nazar wo dil mein ate hain

koi sada dili shauq ko ye bat samjha de

payam-e-husn hote hain jo arman dil mein ate hain

khudi ke jauhar asani mein insan par nahin khulte

ham apne samne khul kar faqat mushkil mein ate hain

zahin allah ko main dekhta hun husn janan mein

nazar khurshid ke jalwe mah-e-kamil mein ate hain