وہ آئیں گے وہ آتے ہیں وہ آنے کو ہیں وہ آئے

وہ آئیں گے وہ آتے ہیں وہ آنے کو ہیں وہ آئے

تصور کو وہ بہلائیں تصور ہم کو بہلائے

وہ چمکا چاند چھٹکی چاندنی تارے نکل آئے

وہ کیا آئے زمیں پر آسماں نے پھول برسائے

ازل سے تا ابد ہے جلوہ فرما حسن صد شیوہ

وہی صاحب نظر ہے جو برابر دیکھتا جائے

کہاں انساں کہاں عقل و خرد کی بیڑیاں توبہ

ذرا بھی عقل ہو تو آدمی دیوانہ ہو جائے

وجود نور پر موقوف ہیں آثار ظلمت بھی

نہ ہوگی روشنی تو پھر کہاں جائیں گے یہ سائے

ذہینؔ آسودگی راہ طلب میں ہے زیاں کاری

ہزاروں کوس ہیں وہ دور جو اک لمحہ سستائے

wo aenge wo ate hain wo ane ko hain wo ae

tasawwur ko wo bahlaen tasawwur ham ko bahlae

wo chamka chand chhitki chandni tare nikal ae

wo kya ae zamin par asman ne phul barsae

azal se ta abad hai jalwa farma husn-e-sad shewa

wahi sahab nazar hai jo barabar dekhta jae

kahan insan kahan aql-o-khirad ki beriyan tauba

zara bhi aql ho to admi diwana ho jae

wajud-e-nur par mauquf hain asar-e-zulmat bhi

na hogi raushni to phir kahan jaenge ye sae

zahin asudgi rah-e-talab mein hai ziyan kari

hazaron kos hain wo dur jo ik lamha sustae