عشق مجذوب ہے دیوانہ ہے

عشق مجذوب ہے دیوانہ ہے

عقل سے ہوش سے بیگانہ ہے

نہ کہیں گھر نہ کہیں در اس کا

شہر ہے باغ ہے ویرانہ ہے

کہیں ساغر ہے نہ مینا نہ سبو

مست ہے صاحب میخانہ ہے

طالب جلوۂ جاناں بھی نہیں

آپ ہی جلوۂ جانانہ ہے

ہفتم اقلیم میں سلطان ہے وہ

اور انداز فقیرانہ ہے

ishq majzub hai diwana hai

aql se hosh se begana hai

na kahin ghar na kahin dar us ka

shahr hai bagh hai wirana hai

kahin saghar hai na mina na subu

mast hai sahab-e-maikhana hai

talib-e-jalwa-e-janan bhi nahin

ap hi jalwa-e-janana hai

haftam iqlim mein sultan hai wo

aur andaz-e-faqirana hai