اپنی دھن میں ہوں خیال ماسوا سے کیا غرض

اپنی دھن میں ہوں خیال ماسوا سے کیا غرض

آشنا سے کیا غرض نا آشنا سے کیا غرض

بات کچھ دل کی سنی اے نسبت ذات و صفات

ہو بتوں سے بے نیازی تو خدا سے کیا غرض

زندگی کا اول و آخر تھی وہ پہلی نظر

ابتدا سے کیا تعلق انتہا سے کیا غرض

مدعا آموز ہے حسن تمنا آفریں

اس دل بے مدعا کو مدعا سے کیا غرض

عمر بھر اس کی جفا کو ہم وفا سمجھا کیے

کیا خبر وابستہ تھی اس بے وفا سے کیا غرض

حسن مستغنیٰ کی ہم نے بات رکھ لی اے ذہینؔ

ورنہ عشق بے غرض کو التجا سے کیا غرض

apni dhun mein hun khayal-e-masiwa se kya gharaz

ashna se kya gharaz na ashna se kya gharaz

bat kuchh dil ki suni ai nisbat-e-zat-o-sifat

ho buton se be niyazi to khuda se kya gharaz

zindagi ka awwal-o-akhir thi wo pahli nazar

ibtida se kya taalluq intiha se kya gharaz

muddaa amoz hai husn-e-tamanna afrin

is dil-e-be muddaa ko muddaa se kya gharaz

umr bhar us ki jafa ko ham wafa samjha kiye

kya khabar wabasta thi us be wafa se kya gharaz

husn mustaghni ki ham ne bat rakh li ai zahin

warna ishq-e-be gharaz ko iltija se kya gharaz