حسن تاباں اس طرف ہے عشق سوزاں اس طرف

حسن تاباں اس طرف ہے عشق سوزاں اس طرف

وہ پریشاں اس طرف ہے ہم پریشاں اس طرف

کعبۂ دل اس طرف ہے قبلۂ جاں اس طرف

اس طرف اللہ کا گھر کوئے جاناں اس طرف

لاکھ ایمانوں پہ بھاری ہے ادائے کافری

ایک کافر اس طرف سارے مسلماں اس طرف

حسن محو رنگ و بو ہے عشق غرق ہائے و ہو

ہر گلستاں اس طرف ہے ہر بیاباں اس طرف

سانس میں آواز نے ہے دل غزل خواں ہے ذہینؔ

شاید آنے کو ہے وہ جان بہاراں اس طرف

husn-e-taban is taraf hai ishq sozan is taraf

wo pareshan is taraf hai ham pareshan is taraf

kaaba-e-dil is taraf hai qibla-e-jan is taraf

is taraf allah ka ghar ku-e-janan is taraf

lakh imanon pe bhari hai ada-e-kafiri

ek kafir is taraf sare musalman is taraf

husn mahw-e-rang-o-bu hai ishq gharq hae-o-ho

har gulistan is taraf hai har bayaban is taraf

sans mein awaz ne hai dil ghazal khwan hai zahin

shayad ane ko hai wo jan-e-baharan is taraf