ایک حقیقت کے دو محمل حسن و محبت دونوں ہیں

ایک حقیقت کے دو محمل حسن و محبت دونوں ہیں

خلوت خلوت محفل محفل حسن و محبت دونوں ہیں

سب سے تنہا سب میں شامل حسن و محبت دونوں ہیں

کتنے آساں کتنے مشکل حسن و محبت دونوں ہیں

اپنے اپنے آئینے میں دیکھتے ہیں منہ اپنا اپنا

اپنے اپنے آپ مقابل حسن و محبت دونوں ہیں

گاہے راہی گاہے رہزن گاہے رہرو گاہے رہبر

گاہے جادہ گاہے منزل حسن و محبت دونوں ہیں

ایک حقیقت کے دو پہلو ہر پہلو میں لاکھوں پہلو

ہر جلوہ ہر دیدہ ہر دل حسن و محبت دونوں ہیں

دانہ دانہ خوشہ خوشہ مزرعہ مزرعہ بجلی بجلی

خرمن خرمن حاصل حاصل حسن و محبت دونوں ہیں

آپ ہیں دریا آپ ہیں کشتی آپ ہی کشتی باں اپنے

گاہے طوفاں گاہے ساحل حسن و محبت دونوں ہیں

عشق ذہینؔ ایمان ہے میرا حسن ہے مجھ کو جاں سے پیارا

میری فطرت ہی میں شامل حسن و محبت دونوں ہیں

ek haqiqat ke do mahmil husn-o-mohabbat donon hain

khalwat khalwat mahfil mahfil husn-o-mohabbat donon hain

sab se tanha sab mein shamil husn-o-mohabbat donon hain

kitne asan kitne mushkil husn-o-mohabbat donon hain

apne apne aine mein dekhte hain munh apna apna

apne apne ap muqabil husn-o-mohabbat donon hain

gahe rahi gahe rahzan gahe rahrau gahe rahbar

gahe jada gahe manzil husn-o-mohabbat donon hain

ek haqiqat ke do pahlu har pahlu mein lakhon pahlu

har jalwa har dida har dil husn-o-mohabbat donon hain

dana dana khosha khosha mazraaa mazraaa bijli bijli

khirman khirman hasil hasil husn-o-mohabbat donon hain

ap hain dariya ap hain kashti ap hi kashti ban apne

gahe tufan gahe sahil husn-o-mohabbat donon hain

ishq zahin iman hai mera husn hai mujh ko jan se pyara

meri fitrat hi mein shamil husn-o-mohabbat donon hain