دل کو شیشہ کہوں آنکھوں کو میں پیمانہ کہوں

دل کو شیشہ کہوں آنکھوں کو میں پیمانہ کہوں

آپ مے خانہ بنوں پھر تجھے مے خانہ کہوں

پائے ساقی سے ہے ثابت قدمی ہستی میں

سجدۂ شکر کو میں لغزش مستانہ کہوں

ایک ہی آگ ہے دو نام سے دو سمت لگی

شعلہ شمع کو سوز دل پروانہ کہوں

خلق سودا زدۂ دیر و حرم ہے لیکن

ہے کوئی ان میں جسے میں ترا دیوانہ کہوں

کچھ بھی دیکھا نہ گیا دیکھنے والوں سے ذہینؔ

کیوں نہ جلووں کو حجاب رخ جانانہ کہوں

dil ko shisha kahun ankhon ko main paimana kahun

ap mai khana banun phir tujhe mai khana kahun

pae saqi se hai sabit qadami hasti mein

sajda-e-shukr ko main laghzish-e-mastana kahun

ek hi ag hai do nam se do samt lagi

shola-e-shama ko soz-e-dil-e-parwana kahun

khalq sauda zada-e-dair-o-haram hai lekin

hai koi un mein jise main tira diwana kahun

kuchh bhi dekha na gaya dekhne walon se zahin

kyun na jalwon ko hijab-e-rukh-e-janana kahun