ان کی یاد آئے تو کچھ اس کا تقاضہ ہوگا

ان کی یاد آئے تو کچھ اس کا تقاضہ ہوگا

سوچتا ہوں وہ رہے یاد تو پھر کیا ہوگا

چین تھا اس کی حضوری میں نہ دوری میں سکوں

عمر بھر اس کی محبت میں تڑپنا ہوگا

جس نے دیکھا تجھے اے دوست کھلی آنکھوں سے

وہ سمجھتا ہے کبھی خواب میں دیکھا ہوگا

کھل گیا راز اگر حسن کی یکتائی کا

ہم برا جس کو سمجھتے ہیں وہ اچھا ہوگا

خلوت آرا ہے بھری بزم میں وہ پیکر ناز

اپنی خلوت میں نہ کیوں انجمن آرا ہوگا

عالم ہوش ہو یا جلوہ گہ جاں ہو ذہینؔ

میں خود آیا نہیں کوئی مجھے لایا ہوگا

un ki yad ae to kuchh us ka taqaza hoga

sochta hun wo rahe yad to phir kya hoga

chain tha us ki huzuri mein na duri mein sukun

umr bhar us ki mohabbat mein tarapna hoga

jis ne dekha tujhe ai dost khuli ankhon se

wo samajhta hai kabhi khwab mein dekha hoga

khul gaya raz agar husn ki yaktai ka

ham bura jis ko samajhte hain wo achchha hoga

khalwat ara hai bhari bazm mein wo paikar-e-naz

apni khalwat mein na kyun anjuman ara hoga

alam-e-hosh ho ya jalwa gah jan ho zahin

main khud aya nahin koi mujhe laya hoga