بہت برسی گھٹا چھانے سے پہلے

بہت برسی گھٹا چھانے سے پہلے

وہ آئے ہیں خیال آنے سے پہلے

تغافل کیش میں نے تم کو سمجھا

مگر دیوانہ بن جانے سے پہلے

مقام دل مقدم ہے نظر پر

دل آیا ہے نظر آنے سے پہلے

ذرا سلجھائیں دل کی الجھنوں کو

وہ اپنی زلف سلجھانے سے پہلے

کب آتی ہے قیامت میں بتاؤں

ترے جانے کے بعد آنے سے پہلے

بہاریں مسکراتی ہیں خزاں میں

کھلے ہیں پھول مرجھانے سے پہلے

ہنسی کی جھلکیاں ہیں آنسوؤں میں

وہ خود آتے تھے یاد آنے سے پہلے

نقاب آیا نہ آئے ان کے رخ پر

ہمارے ہوش میں آنے سے پہلے

ذہینؔ اس کی حقیقت جس نے سمجھی

نہ سمجھی میرے افسانے سے پہلے

bahut barsi ghata chhane se pahle

wo ae hain khayal ane se pahle

taghaful kesh main ne tum ko samjha

magar diwana ban jane se pahle

maqam-e-dil muqaddim hai nazar par

dil aya hai nazar ane se pahle

zara suljhaen dil ki uljhanon ko

wo apni zulf sulajhane se pahle

kab ati hai qayamat mein bataun

tire jane ke baad ane se pahle

baharen muskurati hain khizan mein

khule hain phul murjhane se pahle

hansi ki jhalkiyan hain ansuon mein

wo khud ate the yad ane se pahle

naqab aya na ae un ke rukh par

hamare hosh mein ane se pahle

zahin us ki haqiqat jis ne samjhi

na samjhi mere afsane se pahle