ناز فرمائے اگر میرا جنوں

ناز فرمائے اگر میرا جنوں

تم وہی کرتے رہو جو میں کہوں

زندگی کیا ہے سفر پیہم سفر

پھر سفر میں کیا تمنائے سکوں

عقل یزداں گیر پیغمبر شکار

عشق کی فتراک میں صید زبوں

مئے بقید شیشہ و ساغر حرام

اور جو ان مست آنکھوں سے پیوں

دوست عنقا ہیں تو دشمن ہی سہی

کوئی تو ہو جس کو اپنا کہہ سکوں

تم ہی تم ہوتے ہو میرے سامنے

سوچتا ہوں جب کبھی میں کون ہوں

چاہتا ہوں میں انہیں لیکن ذہینؔ

یہ مجھے خود بھی نہیں معلوم کیوں

naz farmae agar mera junun

tum wahi karte raho jo main kahun

zindagi kya hai safar paiham safar

phir safar mein kya tamanna-e-sukun

aql yazdan gir paighambar shikar

ishq ki fitrak mein said-e-zabun

mai baqaid-e-shisha-o-saghar haram

aur jo un mast ankhon se piyun

dost anqa hain to dushman hi sahi

koi to ho jis ko apna kah sakun

tum hi tum hote ho mere samne

sochta hun jab kabhi main kaun hun

chahta hun main unhen lekin zahin

ye mujhe khud bhi nahin maalum kyun