دل ہوا تیری نظر سے فیضیاب

دل ہوا تیری نظر سے فیضیاب

میں ترا جلوہ نہ تو میرا حجاب

تم حسینان جہاں میں منتخب

اور میرا دل تمہارا انتخاب

ان کو مجھ سے مجھ کو ان سے ہے حجاب

دیکھیے پہلے اٹھے کس کا نقاب

سرزمین دل میں سر گرم سفر

تھے ہزاروں چاند لاکھوں آفتاب

موج ظاہر ہے کہ پیچ و تاب موج

موج کیا ہے در حقیقت پیچ و تاب

وہ جسے دنیا سمجھتی ہے سکوں

در حقیقت ہے کمارل اضطراب

خاک بن کر کوئے جاناں میں رہے

آدمی کو ورنہ مٹی ہے خراب

تابکے آ کر نزاع کفر و دین

تم اٹھا دو روئے رنگیں سے نقاب

خاکساری ہم کو زیبا ہے ذہینؔ

ہم کہ ہیں دلدارگان بو ترابؑ

dil hua teri nazar se faizyab

main tira jalwa na to mera hijab

tum hasinan jahan mein muntakhab

aur mera dil tumhara intikhab

un ko mujh se mujh ko un se hai hijab

dekhiye pahle uthe kis ka naqab

sarzamin dil mein sar garm-e-safar

the hazaron chand lakhon aftab

mauj zahir hai ke pech-o-tab mauj

mauj kya hai dar haqiqat pech-o-tab

wo jise duniya samajhti hai sukun

dar haqiqat hai kamarl-e-iztirab

khak ban kar ku-e-janan mein rahe

admi ko warna mitti hai kharab

tabake a kar niza-e-kufr-o-din

tum utha do ru-e-rangin se naqab

khaksari ham ko zeba hai zahin

ham ke hain dildargan bu turab