کون کہتا ہے کہ اس بزم سے سرکار گئے

کون کہتا ہے کہ اس بزم سے سرکار گئے

اب تو سرکار ہی سرکار ہیں اغیار گئے

آفت جاں کوئی بے پردۂ آب و گل ہے

مرنے والے نہ مرے آہ ہمیں مار گئے

وہ جنہیں ہوش ہو جانیں وہی آنا جانا

ہم تو ہشیار نہ آئے تھے نہ ہشیار گئے

آپ کی بزم میں دیکھا یہ نرالا دستور

لائے پندار وہ لے کر وہی پندار گئے

اب نہ ہم اپنے نہ دنیا کی کوئی شے اپنی

ایک ہی داؤ میں جو کچھ تھا وہ سب ہار گئے

کیا خبر ہے کسی آسودۂ ساحل کو ذہینؔ

ان میں ہم ڈوب گئے دور گئے ہار گئے

kaun kahta hai ke is bazm se sarkar gae

ab to sarkar hi sarkar hain aghyar gae

afat-e-jan koi be parda-e-ab-o-gul hai

marne wale na mire ah hamen mar gae

wo jinhen hosh ho janen wahi ana jana

ham to hushyar na ae the na hushyar gae

ap ki bazm mein dekha ye nirala dastur

lae pindar wo le kar wahi pindar gae

ab na ham apne na duniya ki koi shai apni

ek hi dao mein jo kuchh tha wo sab har gae

kya khabar hai kisi asuda-e-sahil ko zahin

un mein ham dub gae dur gae har gae