عشق میں خود حسن غارت گر لٹا

عشق میں خود حسن غارت گر لٹا

لوٹنے والا یہاں آکر لٹا

تھا دل برباد میں آباد کون

لوٹنے والے یہ کس کا گھر لٹا

نقد دین و نقد ایماں نقد دل

پاس جو کچھ ہو لٹا ان پر لٹا

بوالہوس تھے عقل کے سرمایہ دار

عشق میں نادار ہی اکثر لٹا

تھی محبت ہی وہ راہ پر خطر

ساتھ رہ رو کے جہاں رہبر لٹا

لوٹنے والوں کا شکوہ کچھ نہیں

اپنے ہاتھوں ہی ذہینؔ اکثر لٹا

ishq mein khud husn gharat gar luta

lautne wala yahan akar luta

tha dil-e-barbad mein abad kaun

lautne wale ye kis ka ghar luta

naqd din-o-naqd iman naqd-e-dil

pas jo kuchh ho luta un par luta

bawalhos the aql ke sarmaya dar

ishq mein nadar hi aksar luta

thi mohabbat hi wo rah pur khatar

sath rah ro ke jahan rahbar luta

lautne walon ka shikwa kuchh nahin

apne hathon hi zahin aksar luta