تھا فخر جس پہ مجھ کو مری ذات کی طرح

تھا فخر جس پہ مجھ کو مری ذات کی طرح

بدلا ہے وہ بھی صورت حالات کی طرح

فکر معاش ذہن پہ جب سے محیط ہے

ہے دن کی روشنی بھی مجھے رات کی طرح

امید وصل کا ہوا جو جام چور چور

برسے ہیں اشک آنکھ سے برسات کی طرح

اب تک ہے یاد آپ کا انداز گفتگو

مجھ کو سرور و کیف کے نغمات کی طرح

تب زندگی کا لطف ہے یا رب جہان میں

ان کی نظر ہو عین عنایات کی طرح

غش کھا کے آخرش وہ گرا دشمن خلوص

میرا جنازہ دیکھ کے بارات کی طرح

گزری ہے اپنی زندگی تیرے فراق میں

بسمل کے کرب داشتہ لمحات کی طرح

یہ کیا ہوا کہ دل پہ گزرنے لگی گراں

اب تو خوشی کی بات بھی صدمات کی طرح

سائرؔ یہ کیا ہوا ہے زمانے کی چال کو

ملتا ہے اب خلوص بھی سوغات کی طرح

tha fakhr jis pe mujh ko miri zat ki tarah

badla hai wo bhi surat-e-halat ki tarah

fikr-e-maash zehn pe jab se muhit hai

hai din ki raushni bhi mujhe rat ki tarah

ummid-e-wasl ka hua jo jam chur chur

barse hain ashk ankh se barsat ki tarah

ab tak hai yad ap ka andaz-e-guftugu

mujh ko surur-o-kaif ke naghmat ki tarah

tab zindagi ka lutf hai ya rab jahan mein

un ki nazar ho ain inayat ki tarah

ghash kha ke akhirash wo gira dushman-e-khulus

mera janaza dekh ke barat ki tarah

guzri hai apni zindagi tere firaq mein

bismil ke karb-e-dashta lamhat ki tarah

ye kya hua ke dil pe guzarne lagi giran

ab to khushi ki bat bhi sadmat ki tarah

sair ye kya hua hai zamane ki chal ko

milta hai ab khulus bhi saughat ki tarah