یوں نفرتوں میں محبت کے سلسلے دیکھے

یوں نفرتوں میں محبت کے سلسلے دیکھے

جو توڑنے پہ نہ ٹوٹے وہ آئنے دیکھے

پڑے گا فرق بھی کیا ان کے دور جانے سے

قریب رہ کے بھی ہم نے تو فاصلے دیکھے

ہوا جو ہم پہ عیاں خود نشان منزل کا

تو رقص کرتے ہوئے رہ میں زلزلے دیکھے

خمار ان کا ابھی تک ہے میری آنکھوں میں

جو میں نے خواب کی صورت میں رتجگے دیکھے

زمین پر ہی نہیں سلسلہ جدائی کا

ستارے ہم نے فلک کے بھی ٹوٹتے دیکھے

رہے وہ اشک بہاتے جو میرے اپنے تھے

لحد میں ساتھ جو اترے وہ دوسرے دیکھے

زمیں پہ آگ لگا دی پلک جھپکنے میں

فلک سے ٹوٹتے بجلی کے زاویے دیکھے

ہمیشہ عظمت انساں کے ہم رہے قائل

نہ عہدے دیکھے کبھی اور نہ مرتبے دیکھے

نشاط و غم کے کئی زندگی میں موڑ آئے

تو تلخ و شیریں سبھی ہم نے ذائقے دیکھے

اڑا رہا تھا وہ جیسے مذاق خود اپنا

خوشی کی بزم میں مفلس کے قہقہے دیکھے

سبب ہیں اپنی تباہی کا ایٹمی ہتھیار

ہوا میں آدمی کے اڑتے پرخچے دیکھے

ہو شاعری سے جسے عشق اس پہ لازم ہے

مری غزل کو پڑھے اور قافیے دیکھے

ہمیشہ ہنستا ہوا دشمنوں سے پیش آیا

بلند تر تھے جو سائرؔ کے حوصلے دیکھے

yun nafraton mein mohabbat ke silsile dekhe

jo torne pe na tute wo aine dekhe

parega farq bhi kya un ke daur jane se

qarib rah ke bhi ham ne to fasle dekhe

hawa jo ham pe ayan khud nishan-e-manzil ka

tu raqs karte hue rah mein zalzale dekhe

khumar un ka abhi tak hai meri ankhon mein

jo main ne khwab ki surat mein ratjage dekhe

zamin par hi nahin silsila judai ka

sitare ham ne falak ke bhi tutte dekhe

rahe wo ashk bahate jo mere apne the

lahad mein sath jo utre wo dusre dekhe

zamin pe ag laga di palak jhapakne mein

falak se tutte bijli ke zawiye dekhe

hamesha azmat insan ke ham rahe qail

na ohde dekhe kabhi aur na martabe dekhe

nishat-o-gham ke kai zindagi mein mor ae

tu talkh-o-shirin sabhi ham ne zaiqe dekhe

ura raha tha wo jaise mazaq-e-khud apna

khushi ki bazm mein muflis ke qahqahe dekhe

sabab hain apni tabahi ka aitmi hathiyar

hawa mein admi ke urte parakhche dekhe

ho shayari se jise ishq us pe lazim hai

miri ghazal ko parhe aur qafiye dekhe

hamesha hansta hua dushmanon se pesh aya

buland tar the jo sair ke hausle dekhe