مجھ پہ تہمت لگا رہے ہیں لوگ

مجھ پہ تہمت لگا رہے ہیں لوگ

جانے کیوں دل دکھا رہے ہیں لوگ

غم زدہ دیکھ کر مری صورت

اک فسانہ بنا رہے ہیں لوگ

کیسے پہنچوں میں اپنی منزل تک

راستے سے ہٹا رہے ہیں لوگ

کس نے مجھ کو بنایا دیوانہ

یہ جو پتھر اٹھا رہے ہیں لوگ

یہ جو سرگوشیاں ہیں کانوں میں

بات کوئی چھپا رہے ہیں لوگ

جس طرح میں کوئی تماشہ ہوں

اس طرح مسکرا رہے ہیں لوگ

کچھ بھی سائرؔ سمجھ نہیں آتا

جانے کیا کیا سنا رہے ہیں لوگ

mujh pe tohmat laga rahe hain log

jane kyun dil dikha rahe hain log

gham zada dekh kar miri surat

ik fasana bana rahe hain log

kaise pahunchon main apni manzil tak

raste se hata rahe hain log

kis ne mujh ko banaya diwana

ye jo patthar utha rahe hain log

ye jo sargoshiyan hain kanon mein

bat koi chhupa rahe hain log

jis tarah main koi tamasha hun

is tarah muskura rahe hain log

kuchh bhi sair samajh nahin ata

jane kya kya suna rahe hain log