ہے اس کا حق یہ ہو پر ماتما سے جس کی لاگ

ہے اس کا حق یہ ہو پر ماتما سے جس کی لاگ

کسی بھی شخص کی میراث تو نہیں بیراگ

خموش بیٹھو نہ تم رکھ کے ہاتھ پر یوں ہاتھ

بناؤ جہد مسلسل سے آپ اپنے بھاگ

کیا فریب محبت سے فرش والوں نے

برستی ہے جو فلک سے مخاصمت کی آگ

نشاط و غم کا عجب امتزاج ہے ان میں

یہ میرے سانس ہی میرے وجود کا ہیں راگ

یہ تیرے عزم کو منزل سے قبل ڈس لیں گے

مسافتوں میں اگر ہم سفر ہیں خوف کے راگ

تمام شہر کے افراد سو گئے سائرؔ

مرے ضمیر کی آواز ہے مسلسل جاگ

hai us ka haq ye ho par matma se jis ki lag

kisi bhi shakhs ki miras to nahin bairag

khamosh baitho na tum rakh ke hath par yun hath

banao jahd-e-musalsal se ap apne bhag

kiya fareb-e-mohabbat se farsh walon ne

barasti hai jo falak se mukhasamat ki ag

nishat-o-gham ka ajab imtizaj hai un mein

ye mere sans hi mere wajud ka hain rag

ye tere azm ko manzil se qabl das lenge

masafaton mein agar ham safar hain khauf ke rag

tamam shahr ke afrad so gae sair

mire zamir ki awaz hai musalsal jag